ازاي تصمم API بشكل احترافي

واحدة من أكتر المشاكل اللي بتقابل الـ fresh developers أول ما يبدأوا يشتغلوا على باك إند، إنهم يدخلوا يكتبوا الـ Endpoints وخلاص!
بس السؤال هنا: هل ده كفاية؟
أكيد لأ
تصميم الـ API ليه أصول وفن، ولو بدأت غلط هتلاقي نفسك في شوية كود عاملة زي الـ spaghetti، متلخبطة ومش عارف تمسك طرف الخيط! 🤯

تعال نرتبلك الدنيا بخطوات واضحة، عشان تبني Clean API تفتخر بيها:

1️⃣ ابدأ صح.. خطط الأول قبل ما تكتب ولا سطر كود
قبل ما تفتح Visual Studio أو VS Code، لازم تحدد:

الـ Models

العلاقات بين الجداول

إيه الـ data المطلوبة من كل Table

💡 ده هيوفر عليك تعديل وتكسير لاحق لما تكتشف إنك كنت ماشي عشوائي 😅

2️⃣ الـ URL Structure.. شكلك بيبان من العنوان!
🛤 خلي شكل الـ Endpoints واضح ومنظم:

✔ استخدم الأسماء بصيغة الجمع:

❌ GET /product/1

✅ GET /products/1

✔ استخدم الـ HTTP Methods صح:

✅ GET /products ➝ جلب كل المنتجات

✅ POST /products ➝ إضافة منتج جديد

✔ بلاش أفعال في الـ URL:

❌ POST /createProduct

✅ POST /products

✔ العلاقات بين الكيانات:

❌ GET /orders?userId=5

✅ GET /users/5/orders

3️⃣ استخدم DTOs زي المحترفين
الـ Data Transfer Objects بتساعدك في:

✅ حماية البيانات الحساسة

✅ تقليل الـ Payload

✅ منع مشاكل الـ Circular Reference

4️⃣ Status Codes.. مش كله 200 يا صاحبي! 😅
ارجع الكود الصح لكل حالة:

كل شيء تمام    ✅ 200 OK
تم إنشاء عنصر جديد    ✅ 201 Created
فيه مشكلة في البيانات    ✅ 400 Bad Request
يوزر مش مسجل دخول    ✅ 401 Unauthorized
الحاجة مش موجودة    ✅ 404 Not Found

5️⃣ Pagination = صديق السيرفر ❤️
متبقاش السبب في خنق الـ Backend لما ترجّع 100000 record مرة واحدة!

✅ استخدم page و limit

GET /products?page=2&limit=10

6️⃣ خلي بالك من الـ Security 😤
متبقاش هاوي، الـ API دي ممكن تتهكر بسهولة لو مهتمتش بالآتي:

✅ استخدم JWT

✅ فعل Rate Limiting

✅ إخفِ التفاصيل في رسائل الخطأ

✅ استخدم HTTPS

7️⃣ Documentation = طريق الفهم 🧭
ازاي الناس هتفهم تستخدم الـ API بتاعتك؟ ساعدهم:

✅ استخدم Swagger أو Postman Collection

✅ لو شغال GraphQL، استخدم GraphiQL أو Playground

🎯 الخلاصة:
لو مشيت بالخطوات دي، الـ API بتاعتك هتبقى:

نظيفة

قابلة للصيانة

وسهلة لأي Dev يتعامل معاها