ازاى اوصل لمرحلة الابداع ؟

ازاى اوصل لمرحلة الابداع ؟

وهل انا فعلا بعمل العمليه دى فى حياتى اصلا وبشكل تلقائى ؟
الشائع والمعروف عن العمليه دى انها عمليه فريده من نوعها كده وبتكون عباره عم افكار بتييجى لناس معينين وبس .
وانها مش حاجه فى الامكان لاى شخص عادى
وانك كانسان بتحلم ان انت يكون عندك ابداع او تبقى مصاحب واحد مبدع او تكون فى بيئه مبدعه وملهمه والكلام الجميل ده
بس فعليا الكلام ده مش صحيح وما هو الا وهم صنعناه لنفسنا
ليه الكلام ده بقى ؟
لان الابداع عمليه منظمه وليها خطوات ثابته بتتعمل
فانت لو عملت الخطوات دى صح - اكيد وحتما هتوصل للابداع
والجميل بقى ان انت ممكن تكون بتعمل العمليات دى وانت مش حاسس
تعالى بقى مع بعض نعرف العمليات الخاصه بالابداع او اللى لو عملتها هتوصل لفعل مبدع سواء فى شغلك او حياتك او بيئتك
1 - اول خطوات الابداع هى - وضوح وتحديد الهدف .
2 - تانى خطوة هى وجود فريق داعم ومساعد ليك - وممكن يكون الفريق ده هو انت لوحدك ( عادى جدا ).
3 - تالت خطوة للابداع انك تعرف الوسائل اللى انت محتاجها علشان توصل لهدفك.
4 - رابع خطوه هى انك تاخد خطوه بقى وتتحرك وتفعل الادوات والوسائل اللى حددتها للهدف بتاعك .
5 - خامس خطوه انك تعمل تقييم اللى انت بتعمله ده باستمرار وهل انت فعلا وصلت لهدفك زى مانت مقرر والا لا وهل انت ماشى صح واللا لا بردو .
6 - سادس خطوه والمهمه جدا هى انك تكرر كل الخطوات دى تانى بعد التقييم وباهداف محسنه وخطوات واضحه ووسائل اكتر او اقل بناءا على التقييم
كل ما تقرر بتقييم وتحسين
كل مانت بتوصل لهدفك اسرع وبشكل افضل بكتير من احسن نسخه انت عملتها قبل كده